.jpeg)
അവനാ രാജകുമാരിയെ ഒരുപാട് ഇഷ്ട്ടമായിരുന്നു. പാടില്ല.. അരുത് എന്ന് അവനൊരു നൂറുവട്ടം തന്റെ മനസ്സിൽ മന്ത്രിച്ചെങ്കിലും അവനെ സ്വപ്നം കാണാൻ പഠിപ്പിച്ച ആ പെൺകുട്ടിയെ മനസ്സിൽ നിന്നും അത്ര പെട്ടന്ന് മായ്ച്ചു കളയാൻ അവന് സാധിക്കില്ലായിരുന്നു. അത്രമേൽ അവന്റെ മനസ്സിലേക്ക് വെരുറപ്പിച്ചു പോയിരുന്ന ആ പെൺകുട്ടിയുടെ ഓരോ ചിരിയിലും പ്രവർത്തിയിലും അവൻ അലിഞ്ഞില്ലാതായിപോയി. എല്ലാം മനസ്സിനുള്ളിലൊതുക്കി അവളോട് സംസാരിക്കുമ്പോഴും പുഞ്ചിരിക്കുമ്പോഴുമെല്ലാം അവന്റെ കണ്ണുകൾ നുണ പറഞ്ഞിരുന്നില്ല. അവളോടുള്ള അവന്റെ പ്രണയം അവന്റെ കണ്ണുകളിൽ അത്രത്തോളം വക്തമായിരുന്നു. പക്ഷേ എന്നിട്ടും അവൾക്കൊരിക്കലും അവന്റെ സ്നേഹത്തിന്റെ ആഴം മനസ്സിലാക്കാൻ സാധിച്ചിരുന്നില്ല. അവൾക്ക് വേണ്ടി എത്ര മൈലുകൾ താണ്ടി വരാനും അവൻ തയാറായിരുന്നു. മറ്റേതൊരാണും സ്നേഹിക്കുന്നതിനേക്കാൾ തന്റെ നെഞ്ചോട് ചേർത്ത് ഒരായിരം സ്നേഹം നൽകാൻ അവൻ തയാറായിരുന്നു. ഏത് പ്രതിസന്ധിയിലും അവളെ ചേർത്തുപിടിക്കാൻ അവൻ തയാറായിരുന്നു എന്നിട്ടും അവന്റെ സ്നേഹം അവൾ മനസിലാക്കിയില്ല. അവളെ ഒരുപാട് സ്നേഹിച്ചുപോയി എന്ന തെറ്റ് മാത്രമാണ് ആ പാവം രാജകുമാരൻ ചെയ്തത്. ഒരിക്കലും സ്വന്തമാവില്ല എന്നറിഞ്ഞിട്ടും അവനെന്തിനാവാം തന്റെ സ്നേഹം അവളോട് തുറന്നു പറഞ്ഞത്...!!